Bəzən xeyirxah olmaq çətindir

İnsanların bir çoxu başqalarına kömək edərək əvəzində nəyisə gözləyir.

Məsələn, onların etdiyi hərəkətə görə onları daha çox sevəcəklər, və ya onlara qarşı daha yaxşı rəftar edəcəklər.

Yəqin ki, bu cümlələri çox eşitmisiniz ( bəlkə də özünüz demisiniz):

"Mən onun üçün hər şey etmişəm, lakin o, mənə təşəkkür etməyib, hələ üstəlik mənə o qədər pisliklər edib!"

Əgər siz kiməsə yaxşılıq etmisinizsə, onun çoxdan arzusunda olan bir şeyi hədiyyə etmisiniz və ya çətin vəziyyətdə əl uzadıb kömək etmisiniz və sonra:

1) əvəzində nəyisə gözləyirsiniz;

2) özünüzə qarşı daha yaxşı münasibət gözləyirsiniz;

3) və ya elədiyiniz haqda hamıya danışırsınız ki, insanlar sizin xeyirxah olduğunuzu bilsin;
Bu, yalnış taktikadır.

Xeyirxahlıq - səmimi, təmənnasız olmalıdır, ürəkdən gəlməlidir. Siz sadəcə etdiyiniz hərəkətdən özünüzü xoşbəxt hiss edirsiniz. Sizin böyük ürəyiniz olduğuna görə bunu etmisiniz, o insan isə nə edəcək - bu artıq onun işidir, lakin siz bu haqda düşünməməlisiniz.

Amma sizə bir sirr açacam: sizin etdiyiniz bütün yaxşı və pis hərəkətlər gec-tez bumeranq kimi sizə qayıdacaq. Bəlkə ayrı bir insandan, bəlkə tamamilə fərqli bir halda, lakin mütləq qayıdacaq.

Çinarə Vahabzadə

Ölkə.Az