Azərbaycanlı ziyalılar da Elnurdan danışdılar

"Sən bizim Fəxrimizsən"

Aydın Mirzəzadə: "Elnurun qələbəsi hamımızın qələbəsidir. Dünən tanınımış azərbaycan müənnisi, gənclərimizin kumiri Elnur Hüseynov Türkiyədə keçirilən “O səs Türkiyə”nin final gecəsində səhnəyə çıxdı. Ebru Gündeşin komandasında yarışan Elnur bu dəfə “O Sole Mio” opera əsərini səsləndirib. Həmyerlimizin rəqibi Kaya Aslantepe olub. Elnur tamaşaçı səsverməsi nəticəsində ən çox səs toplayaraq “O səs Türkiyə”nin qalibi adına laiq görülüb. Afərin, Elnur. Gənc istedadımızın qələbəsi hamımızı ürəkdən sevindirdi, hamıya böyük bir ruh verdi. Bu Elnurun istedadının, musiqi duyumunun, səhnə mədəniyyətinin qələbəsi idi. Bu Azərbaycan mədəniyyətinin, Azərbaycan ruhunun qələbəsi idi. Bu Azərbaycan səsinin xaricdə də mənuniyyətlə dinlənməsinin qələbəsi idi. Bu ən əsası Azərbaycan-türkiyə birliyinin qələbəsi, azərbaycan-türk xalqlarının qardaşlığının, bir-birinə məhəbbbtəinin qələbəsi idi. Biz birilkdə güclüyük. Həmişə qələbələrdə !"

Ərəstun Oruclu: "Azərbaycan Eurovisionda qalib gələndə bir mütrüf teleekrandan deyirdi ki, şəhidlərimizin qanı yerdə qalmadı. Görəsən, Elnur Türkiyədə mahnı müsabiqəsinin qalibi olmaqla kimin qisasını aldı?"

İsa Qəmbər: "Elnur oxumaqda, Acun əyləncə yaratmaqda 1 nömrə olduğunu, Türkiyə cəmiyyəti isə ədalətli olduğunu sübut etdi. Ən əsası bir yerdə yenə də azad və ədalətli seçkinin sehrini gördük! Hamıya təbriklər!"

Razi Nurullayev: "Türkiyənin TV8 kanalında yayımlanan "O səs Türkiyə” mahnı yarışmasında azərbaycanlı müğənni Elnur Hüseynov çempion oldu. Elnur Huseynovu təbrik edirəm. Çalışdım ki, onun çıxışlarını mümkün olduğca qaçırmayım. Çox gözəl səsi var. Həm də mədənidir. Azərbaycan adına layiqli hərəkətlər etdi. "TV8” kanalında yayımlanan Acun İlıcalının aparıcısı olduğu səs yarışmasının münsiflər heyətində oturan və Elnura dəstək olan müğənnilər - Ebru Gündeş, Hadisə, Mazhar-Özkan cütlüyü və Gökhan Özoğuza da minnətdarlığımı bildirirəm. Elnur, təbrik edir və sizə daha böyük sənət zirvələri arzu edirəm".

Rauf Arifoğlu: "Türkiyəmizin səsi Azərbaycandan oldu. Elnur qələbə qazandırdı, azərbaycanlılara. Yaxşı ki varsan , Türkiyə !!!! Təbriklər..."

Fatimə İbrahimova
Ölkə.az