Anası tapılan xalq artisti: \"Anamdırsa, qəbul edərəm\"

Son günlər anasının meydana çıxma xəbərləri ilə gündəmə gələn xalq artisti, keçmişindən danışarkən göz yaşlarını saxlaya bilməyib: “Həmişə ana nəvazişinə ehtiyacım olub, o istiliyi axtarmışam. Əsgərliyə gedəndə bizi avtobusa mindirdilər, avtobusdakı bircə tənha adam mən idim. Hamı öz övladlarını yola salırdı, əl eləyirdi, mən tək idim. Mən o vaxt ailəmi axtara bilməzdim, çünki heç bir sənədim yox idi. Amma bu günə kimi 16 anam tapılıb. Çoxlu bacı-qardaşım var.”

Xalq artistinin bu mövzuya yenidən qayıtma səbəbi isə bu yaxınlarda onun anası olduğunu iddia edən bir xanımın ortaya çıxması olub: “Mən o ananı da qəbul edirəm. O ana ümid bəsləyirsə, onun ümidini doğrultmaq istəyirəm. Amma maraqlısı odur ki, həmin xanımın yaşadığı kənddəki axund mənlə birlikdə internatda oxuyub. Yoxlanılsın, əgər o mənim həqiqi anamdırsa, qəbul etməyə hazıram”. (Region TV)

Ölkə.az