Ekspertdən qorxunc proqnoz: \"Əhalinin gəlirləri azalacaq\"

"Bu hadisələrə şərh vermək çox çətindir"

"Manatın belə eniş etməsi həm əhalinin gəlirlərində, həm də ölkə iqtisadiyyatında təsirsiz ötüşməyəcək".

Bu sözləri Ölkə.az-a danışan iqtisadçı ekspert Qadir İbrahimli deyib.

Onun fikrincə, hazırda baş verən manatın dəyərinin düşmə prosesinə hökümətin davranışlarını izləmədən şərh vermək olduqca çətindir.

"Manatın belə eniş etməsi həm əhalinin gəlirlərində, həm də ölkə iqtisadiyyatında təsirsiz ötüşməyəcək. İlk olaraq əhalinin gəlirləri azalacaq. Ancaq bütövlükdə götürdükdə manatın məzənnəsinin ucuzlaşması təkcə bir aspektdən götürülə bilməz, burada hökümətin davranışları fonunda həmin manatın zəruri təsirləri qiymətləndirilməlidir.

Əgər hökümət iqtisadi siyasətdə liberallaşdırmaya gedəcəksə, o zaman ziyanlar minimuma enəcək və bundan daha çox pay götürmək mümkün olacaq. Yox, əgər hökümət indiki mühavizəkar siyasətini saxlayacaqsa, onda bunun ziyanı bütövlükdə Azərbaycan iqtisadiyyatına dəyəcək. Burada əsas məsələ hökümətin davranışlarıdır. Hökümətin davranışlarını izləmədən bu hadisələrə şərh vermək çox çətindir.

Qeyd edək ki, bir neçə gündür manatın dəyərində kəskin ucuzlaşma müşahidə olunmaqda davam edir.

Fatimə İbrahimova
Ölkə.az