Rusiya ordusu Polşaya soxula bilər

O, Rusiyanın Polşa əleyhinə "hibrid müharibə"yə başlamasını təhlükəli ssenari adlandırıb.

Ölkə.Az "RİA Novosti" agentliyinə istinadən xəbər verir ki, Polşa hökuməti Rusiyanın ölkəyə soxulmasını istisna etmir. Bu barədə Polşanın Milli təhlükəsizlik bürosunun başçısı, general Stanislav Kozey bəyan edib.

Bu ərəfələrdə Varşavada Polşanın Milli təhlükəsizlik bürosunun iclası keçirilib. Digər mühüm məsələlərlə yanaşı, informasıya müharibələrinin ölkə üçün təhlükə olması və Minsk danışıqları kontekstində regionda təhlükəsizlik problemləri müzakirə olunub.

Kozey qeyd edib ki, Rusiyanın Polşa ərazisinə hərbi müdaxiləsi faciəli nəticələrə gətirib çıxara bilər, çünki Polşa NATO alyansının üzv ölkəsidir. Generalın fikrincə, Polşaya qarşı istənilən hərbi təcavüz alyansa hücum kimi qiymətləndiriləcək.

Büronun başçısı Rusiya tərəfindən "hibrid müharibə"nin başlanması ilə bağlı narahatlığını ifadə edib. O əminliklə əlavə edib ki, Polşa hadisələrin bu cür cərəyan etməsinə yüksək səviyyədə hazır olmalıdır.

Rəşid Mustafazadə

Ölkə.Az