Azərbaycanın daha bir futbol klubu fəaliyyətini dayandırıb

Bakının "Lokomotiv” futbol klubu 2014/2015 mövsümündə I diviziondan kənarlaşdırılıb.

Bu barədə Peşəkar Futbol Liqasının (PFL) prezidenti Ramin Musayev əmr verib.

Əmrdə bildirilir ki, Lokomotiv” fevralın 18-də məktubla PFL-ə müraciət edərək, fəaliyyətini dayandırmasını və növbəti turdan etibarən I divizionda çıxışını davam etdirməyəcəyini bildirib. Bu səbəbdən, İntizam Komitəsinin fevralın 19-da çıxardığı qərarı və klubun məktubunu nəzərə alan qurum "dəmiryolçular"ı çempionatdan kənarlaşdırıb.

Qeyd edək ki, bu mövsüm Azərbaycan Premyer Liqasında çıxış edən "Araz Naxçıvan" da çempionatdan çəkilib. "Lokomotiv" klubunun prezidenti Hafiz Məmmədovun oğlu Sənan Məmmədovdur./Report/

Ölkə.Az