Dünyanın ən ağır kitabı bir gecəyə yazılıb?

Bu kitab şeytanla birlikdə yazılıb?

Ölkə.Az xəbər verir kki, Praqanın Karlov universitetinin dünyaca məşhur Klementium kitabxanasında dünyanın ən ağır kitabı, "Şeytanın bibliyası" kimi tanınan "Qiqaq kodeksi" sərgilənib.

Kitabın səhifələri müxtəlif cin və şeytan rəsmləri doludur. Əfsanəyə görə, bu kitab Bogemiyada Podlajitse şəhərindən olan çex rahib tərəfindən bir gecəyə yazılıb. Deyilir ki, müəllifin köməkçisi səhifələrdən birində şəkli yer alan şeytanın özü olub.

Əlyazma 12-ci əsrə aiddir və dünyanın səkkizinci möcüzəsi hesab olunur. O, Əhdi-Ətiq və Əhdi-Cədid hissələrindən ibarətdir. Qədim kitanən 624 iri perqament səhifəsi var və onun ümumi çəkisi 75 kilodur. 17-ci əsrdə müharibə zamanı "Şeytan bibliyası" isveç ordusu tərəfindən Praqadan kralıça Kristinaya hədiyyə qismində Stokholm şəhərinə aparılıb.

O vaxtdan bəri əlyazma cəmi iki dəfə İsveç ərazisindən kənara çıxaraq Nyu York və Berlində nümayiş olunub. Sərgi təşkilatçıları kitaba hər kəsin baxa bilməsi üçün 1 saatlıq vaxt məhdudiyyəti tətbiq ediblər.

Rəşid Mustafazadə

Ölkə.Az