Narkotik maddə alverçiləri tutuldu
Masallı rayon sakini Rəhman Eyyubov 35,28 qram marixuananı satarkən Bakı Şəhər Baş Polis İdarəsinin Narkotiklərlə Mübarizə İdarəsi əməkdaşlarının keçirdikləri əməliyyat-axtarış tədbirləri nəticəsində tutulub.
Daxili İşlər Nazirliyinin mətbuat xidmətindən Ölkə.Az-a bildiriblər ki, R.Eyyubova narkotik vasitəni satmış Sabirabad rayonunda yaşayan Hamlet Məlikov davam etdirilən əməliyyat-axtarış tədbirləri ilə tutulub. Ondan 34,76 qram marixuana, yaşadığı evin həyətindən 5 kiloqram 75 qram marixuana aşkar edilərək götürülüb.
Neftçala Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində isə Gəncə şəhər sakini Afiq Məhərrəmovdan 1 kiloqram 10 qram marixuana götürülüb.
Hər iki faktla bağlı cinayət işi açılıb, araşdırma aparılır.
Ölkə.Az
