Əl-Bağdadi haqqında gizli faktlar üzə çıxdı

Əl-Bağdadinin qaranlıq keçmişi barədə gizli məqamlar açıqlanıb.

Ölkə.Az xəbər verir ki, İŞİD lideri Əl-Bağdadi haqqında hərbi sənədlər açılıb.

İŞİD terror təşkilatının lideri Əbu Bəkr Əl-Bağdadi haqqında çox az sayda məlumatlar var, lakin fevralın 18-i "Business Insider" qəzetinin redaksiyasının nəzarətinə düşmüş yenicə açılmış hərbi sənədlər terror qruplaşması lideri haqqında yeni faktların üzə çıxmasına səbəb olub.

Sənədlərdə Əl-Bağdadinin İraqda amerikan həbsxanasında keçirdiyi dövrü əhatə edir. Onun olduğu düşərgənin məhbusları "Məlumatın əldə edilməsi azadlığı aktının" (Freedom of Information Act) sorğusu əsasında azad edilmişdi. Sənədlərdə Əl-Bağdadinin əsl adı kimi İbrahim Avad İbrahim Əl Bədri göstərilib.

Radikal islamçının İraqda yerləşən amerikan həbsxanasında keçirdiyi həbs müddəti haqqında məlumatlar ziddiyyətlidir. Açılmış hərbi sənədlərin bir qisminə əsasən, o, 2004-cü ilin 4 fevralında həbs olunub və 8 dekabrda sərbəst buraxılıb. Digər qeydlərə görə isə Əl-Bağadadi Fəllucada tutulub və Kemp-Bukka, Adder düşərgəsi də daxil olmaqla, bir neçə həbsxana müəssisələrində saxlanıb.

"İŞİD: terror ordusu daxilində" kitabında Maykl Vays və Həsən Həsən ekspert, doktor Hişam Əl-Həşimi ilə müsahibə əsasında iddia edirlər ki, Əl-Bağdadi ABŞ-ın hərbi kəşfiyyat agentləri tərəfindən dostugildə Fəllucada qonaq olarkən tutulub. İŞİD məsələləri ilə bağlı İraq hökumətinə tövsiyələr verən Əl-Həşimi 1990-cı ildə Əl-Bağdadi ilə şəxsən görüşdüyünü bildirir.

Sözügedən sənədlərdə Əl-Bağdadi mülki şəxs olaraq göstərilib. Bu isə o deməkdir ki, o, xarici silahlı qüvvələrin əsgəri və ya yaraqlısı olmayıb, ancaq təhlükəsizliyin qorunması baxımından tutulub. Onun mülki peşəsi inzibati iş ( katib) kimi müəyyən edilib. 2014-cü il üçün onun 43 yaşda olduğu güman edilsə də, Əl-Bağdadinin doğum tarixi gizli saxlanır. Sənədlərdən bilinib ki, İŞİD lideri Fəllucada anadan olub, evlidir və yaxın qohumlardan onun əmisi var. Terrorçunun ailə üzvlərinin adları da sənədlərdən götürülüb.

Qeyd edək ki, Əl-Bağdadi haqqında olan məlumatlar bununla kifayətlənmir. Bu günə qədər "Business Insider" qəzetinin redaksiyası ABŞ hərbi komandanlığından yeni məlumatlar əldə etmək üçün sorğular göndərməyə davam edir.

Rəşid Mustafazadə

Ölkə.Az