Berlin Yunanıstanın istəyini rədd etdi

Afina mənfi cavab aldı.

Ölkə.Az "Rosbalt" agentliyinə istinadən xəbər verir ki, Almaniya hökuməti Yunanıstanın kredit proqramının uzadılması istəyinə mənfi cavab verib. Bu barədə Almaniya Maliyyə nazirliyinin nümayəndəsi Martin Yöqer məlumat verib.

"Afinanın məktubu problemin həlli ilə bağlı inandırıcı təklifləri özündə ehtiva etməyib", - deyə Yöqer bildirib.

Məmur izah edib ki, Yunanıstan maliyyələşmənin davam etdirilməsinə təkid edir, ancaq bununla yanaşı proqramın reallaşdırılması şərtlərini yerinə yetirməkdən imtina edir.

Rəşid Mustafazadə

Ölkə.Az