Mübariz Əhmədoğlu: "Türkiyə Bəşər Əsəddən əl çəkmək istəmir"

"Bütün bu baş verənlər Türkiyənin yaxın şərq regionu üzrə siyasətinə ciddi qüsurdur. Əslində, indi ABŞ-ın İŞİD-ə qarşı mübarizəsi ilə Bəşər Əsədə qarşı mübarizə ayrılır".

Bu sözləri Ölkə.az-a danışan politoloq Mübariz Əhmədoğlu deyib.

Onun sözlərinə görə hazırda İŞİD-ə qarşı aparılan mübarizə üsulları yanlışdır.

"Çox təəssüf ki, Türkiyə çox ciddi surətdə Bəşər Əsədin üzərində fokuslanıb. Və mən belə başa düşürəm ki, o, Bəşər Əsəddən əl çəkmək istəmir.

Bütün bu baş verənlər Türkiyənin yaxın şərq regionu üzrə siyasətinə ciddi qüsurdur. Əslində, indi ABŞ-ın İŞİD-ə qarşı mübarizəsi ilə Bəşər Əsədə qarşı mübarizə ayrılır. Türkiyə isə şərt qoyur ki, əgər mən İŞİD-ə qarşı mübarizəyə qoşuluramsa, eyni zamanda mən Bəşər Əsədə qarşı da mübarizəmi davam etdirəcəm. ABŞ bu mövzuda son 3 gündə Türkiyənin bu təklifinə görünür razılıq verib. Son olaraq deyə bilərəm ki, bu cür mübarizə üsullarını uğursuz hesab edirəm".

Qeyd edək ki, ABŞ və Türkiyə Suriyada yeni üsyançılar ordusu yaradırlar. Məlumata görə, ABŞ və Türkiyə bu silahlı birlikləri İŞİD-lə mübarizə üçün nəzərdə tutulub.

Fatimə İbrahimova
Ölkə.az