Nəqliyyat Nazirliyində fransız şirkəti ilə görüş keçirildi

Nazirlik məlumat yaydı.

Fevralın 19-da Nəqliyyat nazirinin müavini Musa Pənahov fransız şirkətlərinin nümayəndələri ilə görüşüb.

Bu barədə Ölkə.Az-a Nəqliyyat Nazirliyindən məlumat verilib.

Görüşdə nazir müavini nəqliyyat sektorunda aparılan islahatlardan, Azərbaycan tərəfinin də iştirak etdiyi iri regional layihələr barəsində nümayəndələrə danışıb.

Öz növbəsində fransız nümayəndələr Azərbaycanın nəqliyyat sektorunda, xüsusən də dəmir və avtomobil yolları sahəsində, həmçinin şəhər nəqliyyatı sistemində əməkdaşlıq məqsədilə konkret təkliflərlə çıxış ediblər.

Qeyd edək ki, görüşdə Fransanın nəqliyyat sektoru üzrə ixtisaslaşmış şirkətlərinin nümayəndələri (BOUYGUES”, “ALSTOM”, “FAİR VELAY” və “THALES”) və Fransanın Azərbaycandakı Fövqəladə və Səlahiyyətli səfiri cənab Pascal Meunier iştirak edib.

Ölkə.Az