Azərbaycanlı siyasətçilərin Türkiyədəki seçkilərə

Türkiyədə qarşıdan gələn prezident seçkiləri ilə əlaqədar siyasətçilərimizdən hansı namizədin qələbə çalma ehtimalının yüksək olduğu haqqında soruşduq. Ölkə.az siyasətçilərimizn şərhlərini sizə təqdim edir:

Tural Abbaslı: Türk xalqı kimi seçsə, biz onların iradəsinə hörmətlə yanaşmalıyıq. Türkiyə Azərbaycan arasında olan strateji dostluğu, millətlərin qardaşlığı kiminsə seçilib seçilməməsindən aslı deyil. Türk milləti ilə Azərbaycan türkləri arasındakı bağlılıq siyasətdən daha üst səviyyədədir. Ərdoğan seçilərsə Türkiyə Azərbaycan münasibətləri yəqin ki, dəyişməz olaraq qalacaq. Ona görə ki, hakimiyyətdə də AKP-dir. Siyasi kurs dəyişməyəcək. Mən şəxsən Türkiyənin Azərbaycan siyasətindən razı deyiləm. Ərdoğan seçiləndən sonra Azərbaycandakı siyasi proseslərə, ictimai siyasi məsələlərə münasibəti sırf YAP hakimiyyətinin maraqlarından irəli gələn münasibətdir. İstənilən halda Türkiyə bizim mənəvi bağlarla bağlı olduğumuz dövlətdir. Ölkələrimiz arasında münasibətlərdə heç bir dəyişiklik gözləmirəm.

Fazil Mustafa: Kimin hakimiyyətə gəlməsindən aslı olmayaraq Azərbaycan Türkiyə münasibətləri inkişaf etməkdə davam edəcəkdir. Ərdoğanın Türkiyə cəmiyyətinin gələcəyində çox faydalı olacağını düşünmürəm. Ərdoğanın hakimiyyətdə qalması Türkiyənin çox ciddi bölünməsi, parçalanmasıdır. Daxildə kin və nifrət üzərində qurulub, cahil kütlnin daha çox siyasətə cəlb olunub və buda problemləri artırır. Xarici siyasətə baxdıqda görürürk ki, qonşu dövlətlərin hamısı ilə düşmənçilik münasibəti var. Seçkidə çox güman ki, Ərdoğan qalib gələcək.

Asim Mollazadə: Seçkidə bizim kimi istəyib istəməməyimiz yox Türkiyə vətəndaşları seçim edəcək. Bu seçilırdə ən şanslı namizəd Türkiyənin baş naziri Rəcəb Tayyib Ərdoğanı hesab edirəm. AKP-nin bələdiyə seçkilərində böyük uğuru olmuşdu yəqin ki, yenə də qələbə çalacaq. Ancaq istisna deyil ki, ikinci tur lazım ola bilər. İkinci tur olsa da qələbə Ərdoğanın olcaq.

İqbal Ağazadə: Türkiyə Azərbaycan Münasibətləri fərdlərin üzərində qurulmur. Bəlli strateji bir hədəf var. Türkiyə xalqının seçiminə hörmətlə yanaşıram.

Ramin Hacılı: Mən istəyərdim ki, Türkiyədə prezident Əkmələddin İhsanoğlu seçilsin. Ona görə ki, Azərbaycan Türkiyə münasibətlərində yeni bir mərhələ başlayardı. Ərdoğanın dinçi yanaşması Azərbaycan Türkiyə münasibtlərinə başqa rəng qatır. Türkiyə artıq Azərbaycana dini nöqteyi nəzərdən yanaşır, millət olaraq deyil. Bu halda da problemlər ortaya çıxır. Ərdoğan həmdə məhsəbçidir. Sünni şiə məsələsidə qabardılır. Bu baxımdan Ərdoğanın Azərbaycan Türkiyə münasibətlərində nə qədər də desək ki, qardaşlığı müdafiə edir ancaq dəfələrlə şahidi olmuşuq ki, yalnız enerji, Azərbaycanın neft və qazına görə bu qardaşlığı qoruyub saxlayır. Ərdoğan Türkiyə Azərbaycan münasibətləri üçün uğurlu br fiqur deyil. Əkmələddin İhsanoğlu prezident olacağı təqdirdə yaxşı mənada dəyişikliklər başlaya bilər.

Hafiz Hacıyev: Türklərin öz seçim hüququ var və onlar kimi istəsələr seçəcəklər. Kimin prezident olmasından aslı olmayar Türkiyə Azərbaycan münasibətləri qardaş münasibətlərdir. Bir millət iki dövlətik. Ərdoğanın yerinə kim gəlsə də bizim münasibətlərimiz normal olacaq. Türk xalqının seçiminə hörmətlə yanaşmalıyıq. Biz buradan kimisə dəstəkləsək Türkiyənin daxili işinə qarışmış olarıq.

Fəzail Ağamalı: Mən Türk xalqının seçimini dəstəkləyirəm. Mətbuatda Ərdoğan daha güclü görünür ancaq xalq arasında İhsanoğlu daha güclüdür. 

Səxavət Məmməd

Ölkə.az