Pul qazanmaq üçün striptiz göstərən aktrisanı sevgilisi öldürdü

“Ölkə.Az” Yeşilçamın məşhur aktrisalarından olan Feri Canselin həyatı barədə məlumatı oxucuları ilə bölüşür.

Feri Cansel 1944-cü ildə Kiprdə anadan olub. 1964-cü ildə turist kimi İstanbula gəlir və Taksim meydanındakı klubların birində işləməyə başlayır. Bir müddət sonra Britaniya vətəndaşı olan bir türk diplomatla ailə qurur. Bu nikahdan Zümrüd adlı qız övladı dünyaya gəlir. Feri ərindən boşandıqdan sonra filmlərə çəkilməyə başlayır. Onun ilk filmi “Qan və qürur olur”.

Yeşilçamda erotik filmlər dövrü başlayanda aktrisa bu filmlərə də çəkilir. Amma qazancı az olduğu üçün müxtəlif klublarda striptiz göstərir. Ulduz aktrisanın müəyyən davranışları və söyüşçül olması “Qasımpaşalı Emmanuel” ləqəbinin yaranmasına səbəb olur.

1969-cu ildə aktrisa Yılmaz Güney ilə “Bir çirkin adam” filminə çəkilir. Çəkiliş əsnasında o, Yılmaza aşiq oldu və cütlük arasında sevgi münasibəti yaranır. Amma tezliklə aktyor Canseli tərk edir və aktrisa uzun müddət əzab çəkir. Cansel bir müddət sonra konsert üçün İzmirə gedir və ticarətlə məşğul olan Melih Üklə tanış olur. Melih aktrisaya görə İstanbula köçür və cütlük birlikdə yaşamağa başlayır. Onlar hətta birlikdə market də açırlar.

Feri Cansel 1983-cü ilin avqust ayında Bursada bir restoranla 13 milyon lirəlik ( o dövr üçün külli miqdarda pul sayılır) müqavilə imzalayır. 1 sentyabr gecəsi aktrisa Bursaya getmək üçün İstanbulun Cihangir səmtindəki evində əşyalarını yığır. Bu zaman evdə Seyfi Dursunoğlu, Pakize Songül və qızı Zümrüd olub. Keçmiş sevgilisi Melih isə gecə saatlarında qapını döyür. Canselin yeni müqaviləsini bəyənməyən Ük aktrisa ilə dalaşır.

“Anam bəzi şəxsi əşyalarını götürmək üçün gələn Melihlə mübahisə edəndə mən otaqdan çıxdım. Anam ağlayırdı. İçəri girdim. Melihin əlində silah var idi. Əvvəlcə zarafatla anamı qorxutduğunu düşünmüşdüm. Silah səsi eşidəndə qorxdum. Anam yerə yıxıldı. Silahdan yenidən atəş açıldı. Anamın üstünə çökdüm. Silahdan açılan güllələrdən biri alnımdan yan keçdi”, - deyə qızı Zümrüd xatirələrini bölüşüb.

Sevgilisi tərəfindən öldürülən aktrisa Kiprdə dəfn edilib. Cinayət yerindən qaçan Melik isə bir neçə gün sonra həbs edilib. Məhkəmənin hökmü ilə cinayətkar 15 il 10 ay həbs cəzasına məhkum edilir...

Ölkə.Az