"Park Bulvar"da xeyriyyə konsertidir- İlhaməni yaşadaq

İlhaməni yaşadaq aksiyası davam edir

7 yaşlı İlhamə Nağızadə anadangəlmə irsi qan - betta talassemiya xəstəliyindən əziyyət çəkir. Onun bədəni hemoqlobin yarada bilmir. Ayda 2-3 dəfə İlhamənin bədəninə inyeksiya olunan qan kütləsi (qırmızı qan) və hər gecə çox ağrılı proseslə bədəndə dəmirin azaldılması üçün vurulan disferal (göbəyə vurulan iynə) hesabına həyatla mübarizə aparırı. Körpə Respublika Talassemiya Mərkəzində 1 aylığından qeydiyyatdadır.

Ölkə.az xəbər verir ki, bu ilin əvvəlində İlhamə İtaliyada, Roma şəhərində Mediterranean Institute of Hematology International Center for Transplantation in Thalassemia and Sickle Cell Anemia klinikasında müayinə olunub. Klinikada hazırda İtaliyada yaşayan və sözügedən klinikada çalışan azərbaycanlı professor Cavid Qazıyevin nəzarəti altında İlhamə müayinədən keçirilib və ona qoyulan diaqnoz bir daha dəqiqləşdirilib. Bundan sonra İlhamənin qan nümunəsinin tipilizasiyası aparıldıqdan sonra sümük iliyi nəqli üçün donor axtarışına başlanılıb. Çünki körpənin həyatının tam xilas edilməsi üçün yeganə üsul, yol budur. Axtarış Ümumdünya Donor Reyestrində aparılır. Ailəsi İlhamə üçün donor axtarışına başlamaq məqsədi ilə ailəsi Ümumdünya Donor Reyestrinə müraciət edib.

Hazırda İlhamənin qara ciyəri və dalağı şişib. Bu vəziyyətdə isə İlhamənin orqanizmi hazırda vücuda dəstək üçün edilən müalicə prosedurlarına tab gətirə bilmir. Buna görə də, körpə təcili əməliyyat olunmalıdır. Ailə İlhamənin həyatını xilas etmək üçün onun Almaniyanın Tübingen Klinikasında əməliyyat olunmasını yeganə çıxış yolu olduğunu düşünür.
Donor tapıldıqdan sonra İlhamənin həyatını xilas edilməsi üçün əməliyyat olunması İtaliyada və Almaniyada mümkündür.

Qızcığazın əməliyyatı üçün isə nə az, nə çox 441 000 evro lazımdır. Artıq müəyyən qədər məbləğ yığılıb.

Əgər siz də, İlhamənin sağalmasında iştirak etmək istəyirsinizsə, elə indicə Park Bulvar Ticarət Mərkəzində təşkil olunan İlhaməyə dəstək üçün “İlhaməni yaşadaq” adlı xeyriyyə aksiyasına qoşulun.

Qeyd edək ki, fevralın 21-22-də Park Bulvar Ticarət Mərkəzində İlhaməyə dəstək üçün “İlhaməni yaşadaq” adlı xeyriyyə aksiyası keçiriləcək. Hər kəsi uşağın həyatını xilas etmək üçün aksiyada iştirak etməyə çağırırıq.

Əlaqə nömrəsi: 055-989-54-74

Ölkə.az