Yanukoviç Ukraynaya qayıtmağa söz verib
Sabiq başçı ölkə xalqının həyatını yüngülləşdirmək üçün vətəninə qayıtmağa söz verib.
Ölkə.Az "Gazeta.ru"-ya istinadən xəbər verir ki, Ukraynanın keçmiş prezidenti Viktor Yanukoviç Ukraynaya qayıtmağa söz verib.
Sabiq başçı ölkə xalqının həyatını yüngülləşdirmək üçün imkan yaranan kimi, vətəninə qayıtmağa söz verib.
O, bu barədə Rusiyanın Birinci kanalına müsahibəsində danışıb:
"Təəssüf edirəm ki, heç nə edə bilmədim. Ola bilsin, mən nə üçünsə lazımam. Qayıtmağa imkan olan kimi, qayıdacağam və insanların həyatını yüngülləşdirmək üçün əlimdən gələn hər şeyi edəcəyəm. İndi əsas vəzifə isə müharibəni dayandırmaqdır"
Yanukoviç bir müddət öncə Ukraynaya qayıdaraq orada etiraz hərəkatına rəhbərlik etmək istədiyini dilə gətirmişdi.
Rəşid Mustafazadə
Ölkə.Az
