Rusiyada azərbaycanlı azərbaycanlını öldürdü

24 yaşlı taksi sürücüsü Surqutda uşaqlıqdan yaşayırmış.

Rusiyanın Surqut şəhərində taksi sürücüsü öldürülüb.

Müştəri hərəkətdə olan zaman bıçaqla ona hücum çəkib. Hadisə fevralın 21-də gecə saat 2 radələrində, Surqut İstilik Elektrik Stansiyasının yaxınlığında baş verib.

K-İNFORM-un məlumatına görə, zərbə ürəkdən dəyib.

Ölüm ani olaraq baş verib. Cinayətkar qurbanının meyitini arxa oturacağa keçirəcək, maşına əyləşib və şəhər istiqamətində hərəkətə başlayıb. Şübhəli sürücünün olduğu “Fiat” polisin nəzərindən qaçmayıb və ona maşını saxlamaq barədə əmr verilib. Lakin sürücü əmrə tabe olmayıb və təqib başlayıb.

Şəhərin pivə zavodu ərazisində “Fiat” mühasirəyə alınıb. Qaçmağa çalışan sürücü saxlanılıb. Onun üzərindən qana bulaşmış bıçaq, arxa oturacaqda isə taksi sürücüsünün meyiti aşkarlanıb. Öldürülən 24 yaşlı azərbaycanlı olub.

Oğlan Surqutda anası ilə uşaqlıqdan yaşayırmış. Son illər taksi sürməklə ailəsini dolandırırmış.

Saxlanılan gənc insan da milliyətcə azərbaycanlıdır və içkili vəziyyətdə olub. Polisin məlumatına görə, o, Surquta bir ay əvvəl, həbsdən çıxdıqdan sonra gəlib. Tanışları həmin şəxsin polisə hücum etdiyi üçün həbs olunduğunu bildirirlər.

Hazırda müstəntiqlər qətlin təfərrüatlarını araşdırırlar.

Ölkə.Az