Mətn ölçüsü:
  • 100%

Azərbaycanda hansı bölgələrdə yollarda problem var?

Azərbaycanda müşahidə olunan qarlı, şaxtalı hava şəraiti ilə əlaqədar bəzi bölgələrdəki yollarda müəyyən problemlər yaransa da, onlar aradan qaldırılır.

Bunu Daxili İşlər Nazirliyi (DİN) Respublika Baş Dövlət Yol Polisi İdarəsinin (BDYPİ) İctimaiyyətlə əlaqələr şöbəsinin rəisi, polis polkovniki Kamran Əliyev deyib.

Şöbə rəisi qeyd edib ki, hazırda yalnız Xaçmaz, Quba, Xızı və Siyəzən rayonları ərazisində yollarda qar və buz var. Amma görülən tədbirlər nəticəsində yollarda avtomobillər hərəkət edir, dayanmır.

Bununla belə, K.Əliyevin sözlərinə görə, ümumən ölkə üzrə yollarda hərəkət normaldır, heç bir ciddi problem yoxdur.

Ölkə.az