Mətn ölçüsü:
  • 100%

Bahalaşmaya görə sakinlər yenidən yolu bağladı

Lənkəranda səhər saatlarında aksiya keçirilib.

Rayon sakinlərinin Arqument.Az-a verdiyi məlumata görə, səhər saatlarında Boladi kəndinin bir qrup sakini Liman qəsəbəsi ərazisinə gələrək Bakı-Astara yolunu bağlayıblar.

Bu dəfə aksiyaçıların əksəriyyəti qadınlardan ibarət olub. Sakinlər manatın məzənnəsinin düşməsi ilə bağlı baş verən bahalaşmaya etiraz ediblər.

Onlar yolu bir neçə saat bağlı saxlayıblar. Həmçinin magistral yolun üstündə təkər yandıraraq etirazlarını nümayiş etdiriblər. Yalnız saat 11:00 radələrində polis aksiyaçıları ərazidən uzaqlaşdıra bilib.

Saxlanılanlarla bağlı məlumat yoxdur. 


Ölkə.az