Alman politoloq: "Ukrayna torpaqlarının getməsi faktı ilə barışmalı olacaq"

Ölkə.az xəbər verir ki, Almaniyanın Die Zeit qəzetinə müsahibə verən "Alman Xarici Siyasət Cəmiyyətinin" Şərqi Avropa və Orta Asiya proqramları rəhbəri Ştefan Mayster sensasion açıqlamalar verib.

Alman diplomatın sözləri Kiyevə şok təsiri bağışlayıb.

"Ukrayna Krım və ölkənin şərqi ilə vidalaşmalı olacaq. Gələcəkdə Ukraynanın destabilləşməsinin qarşısaını almaq üçün ən əlverişli yol budur. Kiyev isə Avropanın siyasətindən tam asılıdır. Ukrayna rəhbərliyi Avropa İttifaqının Rusiyaya sanksiyalar yolu ilə təzyiq göstərməsinə və sonda Moskvanın geri çəkiləcəyinə ümid edir, amma bu metodlar Rusiyanı və Putini dayandıra bilməyəcək. Nə sanksiyalar, nə də Kiyevə ABŞ-ın hərbi yardımları Rusiyanın qarşısını ala bilməyəcək, çünki Moskvanın Ukraynaya təsir rıçaqları daha güclüdür və Putin bundan istifadə edir. Avropa İttifaqının danışıqlar prosesindəki çəkisini artırmsaq üçün Ukraynanın qeydsiz-şərtsiz İttifaqa üzv olması ən vacib məsələdir", deyə Ştefan Mayster bildirib.

Qeyd edək ki, adı çəkilən cəmiyyət Avropanın ən nüfuzlu beyin mərkəzlərindən və Ştefan Mayster də ən yaxşı politoloqlarından biri sayılır.

Ölkə.az