Ekspert: "Qiymət artımının qarşısını ala bilməyəcəklər"

"Azərbaycan Respublikasının İqtisadiyyat və Sənaye Nazirliyi təcili olaraq qiymətləri monitorinq etməlidir"

"Nə qədər qiymət artımı ilə mübarizə aparsalar da, bunun qarşısını ala bilməyəcəklər. Çünki açıq bazar iqtisadiyyatıdır və istehsalçı nə istəyər o qiyməti də qoyar. Qiymət artımının zorla qarşısını almaq mümkün olmayacaq".

Bu sözləri Ölkə.az-a danışan AİB sədri Eyyub Hüseynov deyib. Onun sözlərinə görə, Azərbaycan Respublikasının İqtisadiyyat və Sənaye Nazirliyinin təcili olaraq qiymət artımı ilə bağlı monitorinq etməsi şərtdir.

"Bu gün AİB-ə çoxsaylı zənglər nəticəsində istehlakçıların müxtəlif sualları daxil olur. Ən çox ünvanlanan suallar bunlardır.

-Nə üçün mağazaların 30%-ində satış dayandırılıbdır?

-Nə üçün hətta yerli istehsal malların bəzilərində də qiymət artımı müşahidə olunur?

-Nə üçün mallar piştaxtadan yığışdırılıbdır?

Azərbaycan Respublikasının İqtisadiyyat və Sənaye Nazirliyi təcili olaraq qiymətləri monitorinq etməlidir. Çünki hazırda əksər yerlərdə süni qiymət artımlarına rast gəlinir.

Ancaq onu da demək lazımdır ki, nə qədər qiymət artımı ilə mübarizə aparsalar da, bunun qarşısı alınmayacaq. Çünki açıq bazar iqtisadiyyatıdır və istehsalçı nə istəyər o qiyməti də qoyar. Qiymət artımım zorla qarşısını almaq mümkün olmayacaq".

Qeyd edək ki, alıcı hüquqları pozularsa, vətəndaşlar İqtisadiyyat və Sənaye Nazirliyinin 195 nömrəli qaynar xəttinə müraciət edə bilərlər.

Fatimə İbrahimova

Ölkə.az