Toy etmək istəyənlər bu xəbəri mütləq oxusun
"Avropa Oyunları öncəsi toy menyularının qiymətlərində 2 dəfə bahalaşma müşahidə edilə bilər".
"Toy menyularının qiymətlərində ciddi bahalaşma ola bilər. Hətta mümkündür ki, Avropa Oyunları öncəsi sıxlıq nəzərə alınaraq menyularının qiymətlərində 2 dəfə bahalaşma müşahidə edilsin".
Bu sözləri Ölkə.az-a danışan İqtisadi və Sosial İnkişaf Mərkəzinin eksperti Rəşad Həsənov deyib.
"Restoranlar əslində heç nə itirməyəcəklər, çünki Avropa Oyunları zamanı toylara qadağa qoyulmasına baxmayaraq ailə qurmaq istəyən vətəndaş gec-tez həmin toyu edəcək. Məhz bu prizmadan yanaşdıqda toyların sadəcə yerdəyişməsi baş verə bilər. Yəni heç kim Avropa oyunlarına görə, toyunu 2016-cı ilə keçirməyəcək. Məhz bu baxımdan da restoranların hər hansı bir formada zərərlə üzləşməsi gözlənilmir.
Avropa Oyunlarından bir ay qabaq ola bilsin ki, restoranlara olan müraciətlər çoxalsın. Qarşıdan gələn Məhərrəmlik və Rаmаzаn ayını da nəzərə alsaq bu böyük toy sıxlığı ilə müşahidə olunacaq.
Belə hallarda isə toy menyularının qiymətlərində ciddi bahalaşma ola bilər. Hətta mümkündür ki, Avropa Oyunları öncəsi sıxlıq nəzərə alınaraq menyuların qiymətlərində 2 dəfə bahalaşma müşahidə edilsin. Bu da nəinki ziyan, hətta restoranların büdcəsi üçün faydalı olacaq. Ümumilikdə isə bu sektor heç bir ciddi zərərlə üz-üzə qalmayacaq".
Qeyd edək ki, Avropa Yay Oyunları günlərində paytaxtda tıxacların aradan qaldırılması, şəhərdə sıxlığın qarşısının alınması üçün yarış günlərində paytaxtın şadlıq saraylarında toyların keçirilməsi qadağan olunub.
Fatimə İbrahimova
Ölkə.az
