Yanacaqdoldurma məntəqəsinin operatoru bıçaqlandı

Astarada yanacaqdoldurma məntəqəsində qətl hadisəsi törədilib.

Hadisə rayonun Ərçivan qəsəbəsində qeydə alınıb. Hələ ki, şəxsiyyəti məlum olmayan şəxs və ya şəxslər tərəfindən məntəqədə operator işləyən Ərçivan qəsəbə sakini 52 yaşlı İltifat Quliyevə çoxsaylı bıçaq zərbəsi vuraraq qətlə yetiriblər.

Hadisə yerinə rayon hüquq mühafizə orqanlarının əməkdaşları cəlb olunub. Hazırda qətl hadisəsini törədən şəxsin yaxalanması istiqamətində əməliyyat- axtarışları davam etdirilir.
Faktla bağlı Astara Rayon Prokurorluğunda cinayət işi açılıb araşdırma aparılır. (Region TV)

Ölkə.az