Türkiyədə 16 yaşlı bəyi toy günü öldürdülər
Ankarada 16 yaşlı bəy toy günü öldürülüb.
"Ölkə.Az" xəbər verir ki, hadisə Ankaranın Sincan bölgəsində baş verib. Toydan bir gün əvvəl başlayan mübahisə toy günü Hüseyn Furkan Koca adlı bəyin ölümü ilə nəticələnib.
Qohumlar arasında qız üstündə başlayan davanı sakitləşdirmək üçün göyə odlu silahdan atəş açılıb. Bu zaman güllə qonaqların arasında dayanan bəyin sinəsinə tuş gəlib. Polislər gələnə kimi atəş açan şəxs hadisə yerindən qaçıb.
Xəstəxanaya çatdırılan 16 yaşlı bəyin həyatını xilas etmək mümkün olmayıb.
