"Veysəloğlu" şirkəti mağaza sahiblərini bu yolla sıxışdırır

Dolların kəskin şəklidə Azərbaycanda qalxması ölkədə ciddi şəkildə qiymət artımına gətirib çıxarıb.

Bundan istifadə edən bəzi idxalçı şirkətlər isə süni şəkildə qiymət artımına gedirlər.

Birgün.Az-a daxil olan məlumata görə, "Veysəloğlu" şirkəti marketlərə öncədən verdikləri malların pulunu sahibkarlardan indi tələb etməyə başlayıb. Sahibkarlar pulu verə bilmədikdə, həmin borcun üzərinə 20% gəlirlər və sahibkara bununla bağlı sənəd imzalatdırırlar. Sahibkar razılaşmadıqda isə mağazaya bir daha mal verməyəcəkləri ilə hədələyirlər.

Məsələni araşdırmaq üçün bir neçə marketə getdik. Sahibkarlardan biri mağazasının və özünün adının hallanmaması şərtilə bunları bildirib (Bu səbəbdən sahibkarın və mağazanın adını hallandırmayacağıq).

Sahibkar əldə etdiyimiz xəbəri təsdiqləyərək bildirdi ki, dollar qalxmamış aldığımız malın üzərinə məcburən 20% gəldilər: “Biz malı qəbul edib, satıb, pulun veririk adətən. Malı qəbul edəndə də vaxt qoyulur ki, filan tarixdə pul ödəniləcək. Bilə-bilə ki, pul olmayacaq, gəliblər ki, pul ver. Verməsək də mal verməyəcəklər. Onda da mağaza boş qalacaq. Belə pis çıxmasın qışqırda-qışdırda borcun üzərinə 20% gəldilər”.

Qarşı tərəfin də mövqeyini dərc etməyə hazırıq. Birgün.Az

Ölkə.az