Ukrayna BƏƏ-dən silah alacaq

Poroşenko şahzadə ilə Ukraynanın silahla təchiz edilməsi barədə razılığa gəlib.

Ölkə.Az xəbər verir ki, Ukrayna Birləşmiş Ərəb Əmirliklərindən (BƏƏ) müəyyən silahlanma və hərbi texnika alacaq. Bu barədə Ukraynanın Daxili işlər nazirinin müşaviri, Ali Radanın deputatı Anton Qeraşenko şəxsi "Facebook" hesabında yazıb.

O bildirib ki, Ukrayna prezidenti Pyotr Poroşenko Əbu Dabi əmirliyinin şahzadəsi Məhəmməd ben Zaid əl Nahayanla görüş keçirib.

"Görüşün gedişatında BƏƏ ilə Ukraynaya konkret silahlanma və hərbi texnikanın çatdırılması barədə razılıq əldə olunub", - deyə o bildirib.

Qeraşenko qeyd edib ki, silah və texnikanın növü və həcmi "Facebook"da yayım üçün deyil.

Rəşid Mustafazadə

Ölkə.Az