Nigar Köçərli kitabların qiymətindən danışdı
"Biz qiymətləri qaldırmayacağıq"
Bir neçə gündür manatın məzənnəsində olan dəyişiklik bir çox məhsullarda qiymət artımına səbəb olub.
Məsələ ilə əlaqədar olaraq “Əli və Nino” kitab mağazaları şəbəkəsinin və Milli Kitab Mükafatının təsisçisi Nigar Köçərli ilə əlaqə saxladıq.
Ölkə.az-a danışan kitab mağazaları şəbəkəsinin təsisçisi sözügedən mağazalarda kitab qiymətlərində hər hansı bir artımın olmayacağını bildirdi.
"Biz qiymətləri qaldırmayacağıq. Hazırda digər kitab satışı olan mağazalardakı qiymətlər barədə məlumatım yoxdur. Bizim mağaza şəbəkələrimizə gəlincə, heç bir qiymət artımı olmayacaq. Oxucularımız istədikləri kitabları əvvəlki qiymətlərlə əldə edə biləcəklər".
Qeyd edək ki, şənbə günündən Mərkəzi Bankın manatın dollara nisbətən məzənnə siyasətinin dəyişdirilməsi qərarı qəbul edilib.
Fatimə İbrahimova
Ölkə.az
