"Gözələm, ya yox, bunu bilmirəm"

Türkiyəli müğənni Atiyə “Women’s Health” jurnalına müsahibə verib. 

Karyerasına çətinliklə başladığını bildirən ifaçı mahnılarının çoxunu atasının bəstələdiyini deyib: 

“Səhnədə olmaq uşaqlıq xəyalım olub. Bu arzumu, çox şükür, gerçəkləşdirdim. Mahnılarımın çoxunu da atam bəstələyir. Əslində o, iş adamıdır. Amma bu cür istedadı var. Müğənnilik etməsəydim, hansı yolla olursa-olsun yenə də səhnəyə çıxardım: ya rəqqasə, ya da aktrisa kimi”. 

Atiyə gözəllik sirlərini də bölüşüb: 

“Gözələm, ya yox, bunu bilmirəm. Evdə olanda makiyajdan istifadə etmirəm. Üz dərimə istirahət verirəm. Təbii məhsullardan istifadə edirəm. İldə bir dəfə saçımı kəsdirirəm. Onları boyamıram, öz rəngidir”. 

Müğənni açıqfikirli kişiləri bəyəndiyini deyib: 

“İnsanların nə fikirləşdiyini üzə demələri çox önəmlidir. Hər halda arxayca danışmaqdan yaxşıdır. Nikbin adamları sevirəm. Həyatıma daxil olacaq kişi sevgi dolu, heyvansevər, dürüst, kamil, açıqsözlü və pozitiv biri olmalıdır”.(axsam.az)

Ölkə.az