\"Qarabağın erməni mafiyası bu şüardan istifadə edib hakimiyyətə gəlib\"

Bunu “Ölkə.Az”a açıqlamasında  deputat Araz Əlizadə deyib.

Onun sözlərinə görə,  Ermənistanın Qarabağ rəsmi olaraq  öz ərazisi hesab etməyə və bununla bağlı qərar qəbul etməyə hünəri çatmaz. “Onlar yaxşı bilir ki, bu nə ilə nəticələnə bilər.  Ermənistan hələ Avrasiya İqtisadi İttifaqına üzv olarkən Qazaxıstan prezidenti Nursultan Nazarbayevlə Belarus prezidenti Aleksandr Lukaşenko İrəvanın qarşısında tələb qoyublar ki, Qarabağla bağlı rəsmi mövqe orta qoyun.  Rəsmi bəyan edin ki, Qarabağın Ermənistana heç bir aidiyyatı yoxdur. Ermənistan parlamenti məsələ ilə bağlı rəsmi mövqe bildirdi ki, Qarabağın onlara heç bir aidiyyatı yoxdur. Bundan sonra Ermənistan Avrasiya İqtisadi İttifaqına üzv qəbul etdilər.
Digər bir faktı qeyd edim. 1988-ci ildən Ermənistan konstitusiyasına dəyişiklik edərək Qarabağı öz ərazisi kimi saldı. Amma nəticə nə oldu? Çünki bunu həyata keçirə bilmədilər”- deputat qeyd edib.
A.Əlizadə qeyd edib ki, bu, daxili auditoriyaya hesablanmış şüardır: “Paşinyan ucuz populizmlə məşğuldur. Reytinqi düşdüyündən bu yolla özünə  reytinq qazanmaq istəyir.  Başa düşmür ki, artıq  Qarabağın erməni mafiyası bu şüardan istifadə edib hakimiyyətə gəlib. Paşinyan isə bu tezislərdən istifadə etməklə, hakimiyyətdə qalmaq istəyir. Çinlilərin bir misalı var, deyərlər: “Bir dəfə girdiyin çaya ikinci dəfə girmək mümkün deyil”.
Deputat hesab edir ki, Qarabağ münaqişəsinin bir həll yolu var, o da müharibədir.

Mürtəza
Ölkə.Az