Bu model Ərdoğanı təhqir etdiyi üçün həbs oluna bilər

Keçmiş "Miss Türkiyə"ni həbs cəzası gözləyir.

Ölkə.Az "The Independent"ə istinadən xəbər verir ki, tanınmış model və "Miss Türkiyə" 2006 müsabiqəsinin qalibi Merve Büyüksaraç ölkə prezidenti Rəcəb Tayyıb Ərdoğanın təhqir etdiyi üçün həbs oluna bilər.

Yanvar ayında model şəxsi "Instagram" hesabında paylaşdığı təhqiredici posta görə məhkəməyə çağırılmışdı. Paylaşında Türkiyənin himninə satirik parodiya-poeması əks olunmuşdu. İstanbul şəhər prokurorluğu vəzifəli şəxsin təhqir olunmasına görə cinayət məsuliyyətinə cəlb olunmasını tələb edib.

Büyüksaraç paylaşımı səhifədən silərək, bəyan etdi ki, ölkə başçısını təhqir etmək niyyətində olmayıb.

Rəşid Mustafazadə

Ölkə.Az