Qazaxıstanda növbədənkənar prezident seçkiləri təyin olundu

Nazarbayev növbədənkənar prezident seçkilərinin vaxtını açıqlayıb.

Ölkə.Az "RİA Novosti" agentliyinə istinadən xəbər verir ki, Qazaxıstan prezidenti Nursultan Nazarbayev növbədənkənar prezident seçkilərini 26 aprel tarixinə təyin edib. O, bunu müvafiq fərmanında göstərib.

"Mənim fikrimcə, qazaxıstanlılar verilən proqramların reallaşmasına diqqət ayırmaq üçün seçki keçirməyin lazımi olduğunu hesab edir. Bundan əlavə, vətəndaşlar dünyada baş verən hadisələr və ölkə daxilində sabitliyin saxlanması narahat edir. Gələcək fəaliyyət üçün əhalinin dəstəyinə ehtiyac var", - deyə Nazarbayev bir müddət öncə bəyan edib.

İdeyanı daha çox Nazarbayevin müddətinin başa çatacağı 2016-cı ildə parlament seçkiləri ilə prezident kampaniyasını ayırmaqla əlaqələndirirlər.

Rəşid Mustafazadə

Ölkə.Az