Millət vəkili: "Soyqırım muzeyi yaradılmalıdır"
"Apardığımız mübarizə ümumXALQ mübarizədir"
"Hazırda Xocalı soyqırımının tanıdılma istiqamətində bir sıra işlər aparılır. Amerikanın 15 ştatında bu hadisə soyqırım olaraq tanınır. Bununla yanaşı dünyanın bir çox parlamentlərində müzakirəyə çıxardılıb".
Bu sözləri Ölkə.az-a danışan millət vəkili Fazil Mustafa deyib.
"Bütün irəliləyiş Azərbaycan hökümətinin, QHT-lərin, diaspora təşkilatlarının birlikdə fəaliyyətinin nəticəsidir. Apardığımız mübarizə ümumXALQ mübarizədir. Yaxın gələcəkdə bunun hüquqi nəticələrini də görəcəyik".
Millət vəkili soyqırımın dünyaya tanıdılması üçün edilməsi lazım olan məsələlərə də toxunub.
"Hesab edirəm ki, soyqırım muzeyi yaradılmalıdır. Şəhidlər xiyabanına Xocalı abidəsini gətirmək ən vacib məsələdir. Bunlar həyata keçirilərsə, daha effektli təbliğat apara bilərik".
Qeyd edək ki, bu gün Xocalı faciəsinin üzərindən 23 il ötür.
Fatimə İbrahimova
Ölkə.az
