Politoloq: "Avropa Oyunlarında çəkiləcək xərclərə görə, xalq narahat olmamalıdır"
"Bu cür xərclər ölkə iqtisadiyyatına heç cür mənfi təsir göstərə bilməz"
Avropa Oyunlarına gələcək bütün xarici idmançıların xərclərini Azərbaycanın ödəməsi digər məsrəflərin müqavilində elə də böyük xərc deyil.
Bu sözləri Ölkə.az-a danışan politoloq Zərdüşt Əlizadə deyib.
"Nəzərə almaq lazımdır ki, bütün bu xərclər büdcədən ayrılsa da, öz büdcəmizə daxil olacaq.
Odur ki, bu cür xərclərə görə xalq narahat olmamalıdır. Manatın məzənnəsinin nə qədər olmasından asılı olmayaraq bu cür xərclər ölkə iqtisadiyyatına heç cür mənfi təsir göstərə bilməz".
Qeyd edək ki, Azərbaycan birinci Avropa Oyunlarında iştirak etmək üçün ölkəyə gələcək bütün 50 dövlətin olimpiya yığmalarının nəqliyyat və digər xərclərini öz üzərinə götürüb.
Fatimə İbrahimova
Ölkə.az
