İsa Qəmbərin oğlu Kanadadan siyasi sığınacaq aldı

Ölkə.az-a etibarlı mənbələrdən sensasion məlumat daxil olub.

Aldığımız məlumata görə, Müsavat partiyasının keçmiş başqanı İsa Qəmbərin oğlu, Minval.az saytının baş redaktoru İlkin Qəmbər Kanadadan siyasi sığınacaq alıb.

Hazırda hadisənin detalları araşdırılır və əldə etdiyimiz bütün bilgilərlə oxucularımızı yaxın saatlarda tanış edəcəyik.

***

“Siyasi sığınacaq almağımla bağlı yayılan məlumat həqiqəti əks etdirmir”

Bu sözləri “Qafqazinfo”ya açıqlamasında İsa Qəmbərin oğlu, “Minval.az “saytının baş redaktoru İlkin Qəmbər siyasi sığınacaq alması ilə bağlı yayılan məlumata münasibət bildirərkən deyib.

İ. Qəmbər qeyd edib ki, onun mühacirətə getmək barədə heç bir planı yoxdur: “Mənim xaricdə təhsil almaq haqqında planlarım var. O plan da 2016- ci ilə aiddir. Qeyd edim ki, xaricdə təhsil almaqla bağlı ABŞ və Britaniya universitetlərinə sənəd göndərmişəm”.