Rusiyanın tanınmış müxalifət lideri qətlə yetirildi

Nemtsovun ölüm faktını siyasətçi İlya Yaşin təsdiq edib.

Ölkə.Az "İnterfaks" agentliyinə istinadən xəbər verir ki, fevralın 27-dən 28-nə keçən gecə Moskvada Rusiyanın müxalifət lideri Boris Nemtsov naməlum şəxs tərəfindən güllələnərək öldürülüb.

Nemtsovun ölüm faktını siyasətçi İlya Yaşin təsdiq edib.

Hüquq-mühafizə orqanlarındakı mənbənin məlumatına əsasən, naməlum şəxs dörd dəfə müxalifət liderinə atəş açıb. Boris Nemtsov ağır yaralardan yerindəcə keçinib.

"TASS" agentliyinin yaydığı informasiyaya görə, qətl hadisəsi Vasilyevsk ərazisində qeydə alınıb."REN TV" isə iddia edir ki, o, Böyük Daş körpüdə öldürülüb. Telekanalın məlumatına görə, siyasətçiyə ağ avtomobildən atəş açılıb.

"RİA Novosti" İlya Yaşina istinad edərək, Nemtsovun Böyük Zamoskvoretsk körpüsündə qətlə yetirildiyini yazıb.

Rəşid Mustafazadə

Ölkə.Az