Politoloq: "Neftimizin yalnız Rusiya ərazisindən ixrac ediləcəyi xəbərləri həqiqətəuyğun deyil"

Azərbaycan Respublikası Dövlət Neft Şirkəti (ARDNŞ) neft məhsullarının ixracı üzrə yeni istiqaməti müəyyənləşdirdiyi ilə bağlı xəbərlər yayılıb.

Xəbərdə bildirilir ki, Azərbaycan neft məhsullarını Rusiya ərazisindən dünya bazarına ixrac edəcək.

Xatırladaq ki, Əsrin müqaviləsi imzalandaqdan sonra Azərbaycan nefti iki xətt üzərindən dünya bazarına ixrac edilir. Bunlardan biri Rusiya ərazisindən Bakı-Norossiyski boru kəməri digəri isə, Bakı-Tiflis-Ceyhan boru xətti üzərindən.

Mediada çıxan bu xəbərlər ictimaiyyətin şüurunda suallar yaradır. Bakı-Tiflis-Ceyhan neft boru xətdi ləğv edilir? Azərbaycan neftin dünya bazarına çıxarmaq üçün yeni boru kəməri inşa ediləcək?

Yayılan xəbərlərə aydınlıq gətirmək üçün Ölkə.Az politoloq Vəfa Quluzadənin mövqeyini öyrənib.

Vəfa Quluzadə bildirib ki, "Azərbaycan nefti iki xətt üzərindən dünya bazarına ixrac edilir, Bakı-Novorossiyski və Bakı-Tiflis-Ceyhan marşrutları ilə. Azərbaycan heç vaxt bir xətt üzərindən dünya bazarına neft məhsulların ixrac etməz. Bakı-Tiblisi-Ceyhan boru xəttinə külli miqdarda sərmayə qoyulub. Ona görə belə xəbərləri həqiqətəuyğun hesab etmirəm".

Attila
Ölkə.az