Millət vəkili: "İnsanlar pullarını banklara qoymağa ehtiyat edir"

"Beynəlxalq praktikadan məlumdur ki, belə şəraitdə əhalinin bir hissəsi banklardakı pullarını geri çəkir, digər hissəsi isə banka pul qoymağa ehtiyatlanır"

"Kəskin devalvasiya, yəni milli valyutanın-manatın xarici valyutalara münasibətdə rəsmi məzənnəsinin 33 faizdən çox aşağı düşməsi əhalinin bu olaylarda daha çox itgilərə məruz qalan hissəsində şok, ajotaj, narazılıq, qeyri-müəyyənlik, yaradıb. Beynəlxalq praktikadan məlumdur ki, belə şəraitdə əhalinin bir hissəsi banklardakı pullarını geri çəkir, digər hissəsi banka pul qoymağa ehtiyatlanır və.s".

Bu sözləri Ölkə.az-a danışan millət vəkili, İqtisadi və Sosial İnnovasiyalar İnstitutunun rəhbəri Əli Məsimli banklara yerləşdirilən əmanətlərin sayının azalmasını şərh edərkən deyib.
Əgər hökumət manatın devalvasiyasından əhalinin məlum təbəqələri və kateqoriyalarını məruz qoyduğu itgilərin azaldılmasının qarşısının etibarlı şəkildə alınması, aztəminatlı təbəqənin sosial müdafiəsinin gücləndirilməsi, dollarla kredit alıb devalvasiyadan sonra ağır duruma düşən insanların problemlərinin yumşaldılması, banklara qoyulan pulların dəyərdən düşməyəcəyinə etibarlı təminat yaradılması, manatın nisbi sabitliyinin qorunub saxlanılması, manata inamın bərpa edilməsi və.s bu kimi istiqamətdə təsirli tədbirlər görə bilsə, onda insanlar yenidən öz pullarını banklara qoymaqdan ehtiyatlanmayacaq və əmanət qoyuluşunun templəri yenə də artacaq".

Qeyd edək ki, aparılan araşdırmalardan banklara yerləşdirilən əmanətlərdə azalma müşahidə olunub.

Fatimə İbrahimova
Ölkə.az