Yaponlar sürücüsüz avtobusu xəttə buraxdı

“Ölkə.Az” autograph.az-a istinadən bildirir ki, sürücüsüz avtobus 14 oktyabra kimi test rejimində işləyəcək və arzu edən hər bir şəxs ondan pulsuz istifadə edə bilər.

Avtobusun marşrutu o qədər də uzun deyil - cəmi 900 metrdir. Üstəlik, avtobusun sürəti 20 km/saat həddində məhdudlaşdırılıb.

Şirkətin hesablamalarına görə, avtobus səhər saat 10.00-dan 16.00-a kimi 16 gediş etməlidir. Yəni, hələlik pik saatlarında onun istifadəsi nəzərdə tutulmayıb.

Test müddətində şirkətin əməkdaşı sürücü kabinəsində oturacaq. Təhlükə yaranarsa, o vəziyyətə müdaxilə edəcək və idarəetməni öz üzərinə götürəcək. Sınaqların nəticələrinə görə, şirkət dördüncü səviyyə avtopilot sisteminə malik olan pilotsuz avtobuslar partiyasını hazırlamağı planlaşdırır.

Qeyd edək ki, dördüncü səviyyə avtonom sistemlər sürücünün daimi diqqətini tələb etmir və nəqliyyat vasitəsini sərbəst şəkildə idarə edə bilər. Bu avtobuslar adi ictimai nəqliyyat ilə birlikdə tam ölçülü marşrut üzrə hərəkət edəcəklər.

Ölkə.Az