Prezident sarayında laboratoriya quruldu

Prezidentin yeni iqamətgahında qida tərkibini yoxlamaq üçün kimyəvi laboratoriya qurulub.

Ölkə.az Türkiyə mətbuatına istinadın xəbər verir ki, yeni prezident iqamətgahında laboratoriya qurulacaq. Laboratoriyanın içməli su da daxil olmaqla sarayda istifadə olunan bütün ərzaq məhsullarının, sarayın mətbəxlərinə daxil olan bütün ərzaq mallarının tərkibini analiz edəcəyi bildirilir.

Məlumata görə, 5 nəfərlik qrup sarayın laboratoriyasında 24 saat fəaliyyət göstərəcək. Qida təhlükəsizliyi tədbirlərinin dünya standartları kriteriyasına uyğun aparıldığı bildirilir. Bundan başqa laboratoriya əməkdaşlarının Ərdoğanın xarici səfərləri zamanı onu müşaiyət edəcəkləri və mobil ləvazimatlarla onun səfər zamanı rasionunu da analiz edəcək.

Xatırladırıq ki, keçən həftə Türliyə prezidenti çıxışlarının birində özünə və ailəsinə qarşı sui-qəsd planlandığını, Türliyənin çox kritik bir dövrdən keçdiyini vurğulamışdı.

Ölkə.az