İlk dəfə İngiltərə şirkəti “Azərspace-1”-dən istifadə edəcək

Nazir açıqlama verib.

I Avropa Oyunlarının əsas yayımçısı Böyük Britaniyanın IBC televiziya şirkəti olacaq.

Bunu Azərbaycanın rabitə və yüksək texnologiyalar naziri Əli Abbasov Böyük Britaniya baş nazirinin ticarət məsələləri üzrə elçisi Çarls Hendri ilə görüşü zamanı bildirib.

“İBC-nin əsas yayımçı olması ilə bağlı qərar çoxdan verilib. Lakin əsas odur ki, İBC dörd süni peyk vasitəsilə oyunları dünyaya yayımlayacaq ki, məhz həmin dörd peykdən biri “Azərspace-1” peykidir”, - deyə Ə.Abbasov bildirib.

Nazir əlavə edib ki, bununla da ilk dəfə İngiltərə şirkəti Azərbaycan kosmik peykindən istifadə etmiş olacaq./Oxu.az/

Ölkə.Az