Obama yeni qanuna görə Çini tənqid etdi

Obama yeni antiterror qanuna görə Çini tənqid edib.

Ölkə.Az "Reuters" agentliyinə istinadən xəbər verir ki, ABŞ prezidenti Barak Obama Çini ölkədə fəaliyyət göstərən amerikan texnkoloji şirkətləri üçün yeni qaydaların tətbiqi planlarını kəskin şəkildə tənqid edib. O, Çinin ABŞ-la biznes münasibətlərini saxlamaq istədiyi təqdirdə siyasi münasibətlərə yenidən baxılmasına çağırıb.

Rəsmi Pekin ölkədə fəaliyyət göstərən texnoloji şirkətlərin kodların şifrələnməsinin açarlarını təqdim etməyi tələb edən qanun dəyişikliyini qəbul etməyə hazırlaşır. Bundan əlavə, qanun şirkətlərin ölkə hakimiyyətinin nəzarət edə biləcəyi proqram təminatı quraşdırmağını nəzərdə tutur. Bu, beynəlxalq terrorizmlə mübarizə məqsədilə edilir.

Çinin yeni planları Ağ Evi narahat edib. Prezident Barak Obama bəyan edib ki, bu cür qaydalar faktiki olaraq casusluğu leqallaşdırır və texnoloji şirkətlər bu addımı atmaz.

Rəşid Mustafazadə

Ölkə.Az