Avropalı diplomat dünya birliyini Krım tatarlarının hüquqlarını qorumağa çağırdı

Avropa İttifaqı diplomatik missiyasının rəhbəri Frederik Moqerini dünya ictimaiyyətini Krım tatarlarının hüquqlarını müdafiə etməyə çağırıb.

Ölkə.az "Euronews"a istinadən xəbər verir ki, avropalı diplomat bu haqda BMT-yə müraciət ünvanlayıb.

"Biz işğal olunmuş Krımda tatarların hüquqlarının sistematik olaraq pozulmasına diqqət çəkərək onların BMT səviyyəsində qoruma altına alınmalarını tələb edirik. Tatarlara məxsus KİV-lərin bağlanması onların söz haqqının əlindən alınması deməkdir", deyə Moqerini bildirib.

Qeyd edək ki, Rusiyanın Krımı işğalından sonra yarımadada Moskvanın əleyhinə olan tatar təşkilatları bağlanmağa, fəalları isə həbs olunmağa başladı.

Ölkə.az