Azərbaycanlı müğənninin səsini kim batırdı?

Bir zamanlar populyar olan müğənni Vasif Şahbazovun uzun illər efirlərdə olmamasının səbəbi məlum olub.

Bu barədə müğənni ANS-in efirində yayımlanan “Adam içində” verlişində açıqlama verib.

Vasif Şahbazov 2004-cü ildən Moskvada çalışdığını və 2 ildən sonra Rusiyanın estrada müğənnisi Nataşa Karalyova ilə duet oxumağa hazırlaşarkən yaxın dostları tərəfindən səsinin batırıldığını iddia edir.

8 il müalicədən sonra səsini bərpa edən müğənni yenidən efirlərə dönmək istəyərkən mədə xorası xəstəliyindən ölümlə üz-üzə qaldığını deyir. Ölüm riskini atladan müğənni yenidən efirlərə qayıdacağına söz verib.

Xatırladaq ki, Vasif Şahbazov Vüqar Camalzadənin bəstəsi sözləri Asif Abramova aid olan "Yaşanan günlər" mahnısı ilə populyar olmuşdu. (anspress)

Ölkə.Az