Teleaparacı Leyla Quliyeva efirə qayıdır

Teleaparıcı Leyla Quliyeva beynəlxalq TV layihənin lisenziyalı versiyası ilə efirə geri dönür.

Ölkə.Az "1news.az"a istinadən xəbər verir ki, 4 mart tarixində saat 22:25-də AzTv-nin efirində dünyaca məşhur "Jeopardy!" intellektual şousu start götürəcək.

Verilişin azərbaycan versiyası "61" adlanır. Belə ki, oyun boyu iştirakçıya 62 sual verilir.

Verilişin aparıcısı isə bir müddət efirdən kənarda qalan tanınmış teleaparıcı Leyla Quliyeva olacaq. Leyla Quliyeva efirdə olmadığı müddətdə PR sahəsində çalışıb.

"Jeopardy!" intellektual şousu dünyanın bir çox ölkələrində populyarlıq qazanıb. Mer Qriffinin müəllifi olduğu veriliş ilk dəfə 1964-cü ildə 30 martda NBC telekanalının efirində çıxıb.

Rəşid Mustafazadə

Ölkə.Az