Qubad İbadoğlu: "Çexiyalı nazirin açıqlamanı siyasi bəyanat kimi qəbul edirəm"
"Bu Azərbaycan qazının Avropanın ehtiyaclarının ödənilməsində əhəmiyyəti kimi dəyərləndirilməlidir"
Bu sözləri Ölkə.az-a danışan ADR sədri Qubad İbadoğlu Çexiyalı nazirin fikirlərini şərh edərkən deyib.
"Azərbaycandan hansısa Avropa ölkəsinə ikitərəfli əsasda təbii qaz aparmaq və satmaq imkanları məhduddur. Çünki daşınma problemi var, nəqliyyat infrastrukturu yoxdur. Odur ki, nazirin açıqlamanı siyasi bəyanat kimi qəbul edirəm və hesab edirəm ki, bu Azərbaycan qazının Avropanın ehtiyaclarının ödənilməsində əhəmiyyəti kimi dəyərləndirilməlidir. Hazırda Azərbaycan Avropaya öz qazını TAP kəməri vasitəsilə daşımağı və əsasən də İtaliya, Yunanıstan və Balkan ölkələrinin bazarında satmağı planlaşdırır".
Qeyd edək ki, Bakıda səfərdə olan Çexiyanın sənaye və ticarət naziri Yan Mladek jurnalistlərə açıqlamasında Azərbaycandan uzunmüddətli qaz tədarükündə maraqlı olduqlarını bildirib.
Fatimə İbrahimova
Ölkə.Az
