Deputat: “Sammitin Bakıda keçirilməsi Azərbaycan dövlətinə, xalqına etimad və inamın göstəricisidir”
Qoşulmama Hərəkatının Zirvə toplantısına dövlətimizin ev sahibliyi etməsi hər şeydən öncə Prezident İlham Əliyevin liderliyi altında Azərbaycan dövlətinə, xalqına etimad və inamın göstəricilərindən biridir.
Bunu “Ölkə.Az”a açıqlamasında millət vəkili Musa Qasımlı deyib.
Onun sözlərinə görə, Qoşulmama Hərəkatı BMT-dən sonra ən böyük ikinci təşkilatdır ki, özündə ən çox ölkəni birləşdirir. “Bu baxımdan toplantının Bakıda keçirilməsi Azərbaycana əməkdaşlığın genişləndirilməsi üçün bir platformadır.
“Dünyanın müxtəlif dövlət və hökumət başçılarının Azərbaycana gəlməsi, cənab Prezident tərəfindən qəbul edilməsi, aparılan müzakirələr əməkdaşlığın perspektivləri baxımından əhəmiyyətlidir. Bu toplantı bir daha göstərir ki, Azərbaycan beynəlxalq toplantıların keçirilməsi üçün ən əlverişli məkanlardan biridir. Bu toplantı eyni zamanda dövlətimizin beynəlxalq nüfuzuna artmasının göstəricilərindən biridir”, - deyə millət vəkili qeyd edib.
Mürtəza
Ölkə.Az
