Rusların 86%-i Putini dəstəkləyir

Əhalinin 1%-i prezident postunda Sergey Şoyqunu görmək istəyir.

“Lavada-mərkəz” araşdırma mərkəzinin sorğusuna əsasən, rusların əksəriyyəti yaxın bazar günündə prezident seçkiləri keçirilərsə, Vladimir Putinə səs verərdilər.

Sorğunun nəticələrinə əsasən, ümumilikdə rusların 55%-i və seçki ilə bağlı qərar qəbul etmiş əhalinin 86%-i seçkilərdə Putinə səs verərdi.

Digər mümkün namizədlər arasında respondentlər Rusiyanın Kommunist Partiyasının lideri Gennadi Zyuqanov (respondentlərin 7%-i) və Liberal Demokrat Partiyasının sədri Vladimir Jirinovskini (4%) qeyd ediblər.

Bununla yanaşı, müdafiə naziri Sergey Şoyqu, baş nazir Dmitri Medvedev və müxalifətçi Aleksey Navalnını da prezident görmək istərdilər. Onlardan hər biri respondentlərin 1% səsini toplayıb./Oxu.az/

Ölkə.Az