Hillari Klinton şəxsi poçtundakı xidməti yazışmaları dərc edəcək

ABŞ-ın keçmiş dövlət katibi Hillari Klinton şəxsi elektron poçtundan aparılan xidməti yazışmalarını dərc etməyə göstəriş verib.

H.Klinton vəzifədə olduğu müddətdə iş yazışmaları üçün şəxsi poçt ünvanından istifadə edib. Bu fəaliyyət federal qanunla müəyyən edilmiş tələbi poza bilər. Həmin tələbə əsasən, bütün iş yazışması saxlanılmalıdır.

O bildirib: "Mən istəyirəm ki, ictimaiyyət mənim elektron yazışmalarımı görsün. Mən onu dərc etmək xahişi ilə Dövlət Departamentinə müraciət etdim".

Məlumata görə, H.Klintonun dövlət katibi vəzifəsində işlədiyi 4 il ərzində iş poçtu olmayıb. Qanuna əsasən, vəzifəli şəxslərin əldə etdikləri və göndərdikləri elektron və kağız məktublar dövlət arxivinə aid hesab edilir və Konqresin komitələri, tarixçilər və KİV əməkdaşlarının onları tapması üçün saxlanılmalıdır.

Gizli materiallar istisna təşkil edir.

Hazırda onun paroldan istifadə edib-etməməsi məlum deyil./trend/

Ölkə.az