\"Müxalifətin hədəfi düzgün deyil\"

 Bunu “Ölkə.Az”a açıqlamasında  millət vəkili, Vəhdət Partiyasının sədri Tahir Kərimli deyib.

Onun sözlərinə görə,  şəxsən mən bir vətəndaş kimi radikal  müxalifətin məsələlərə belə yanaşma tərzindən, ölkədə sabitliyi pozub, çaxnaşma yaratma niyyətindən  çox narahatam və bundan üzülürəm. “ Mən ondan başlamaq istəyirəm ki, əgər insan hər hansı  qanununun icrasını  tələb edirsə, ilk olaraq özü qanuna riayət etməlisən. Düzgünlük tələb edirsənsə, düzgün olmalısan. Ancaq qanun tələb edib, özün dediklərinin əleyhinə gedirsənsə, bu, başadüşülən deyil.

Axı digər tərəfdən  “Sərbəst toplaşmaq haqqında” qanunun  müvafiq bəndi  metronun 200 metrlik məsafəsində aksiya keçirməyi qadağan edir.  Mən bir müddət əvvəl də bununla bağlı fikir demişdim. Bu fikrimə görə “Azadlıq”   yazıb ki, Tahir Kərimli Milli Məclisdə mürtəce çıxış edib. Balam, mən nə mürtəce çıxış etmişəm? Mən qanunun tələbini demişəm.  Demişəm ki,  hətta YAP-da belə orada mitinq keçirə bilməz. Kim olur-olsun, qanun həmin ərazidə etiraz  aksiyası keçirməyi qadağan edir. Belə yaramaz axı...

İkincisi,  əgər sənin belə qüvvən varsa, başqa yerdə də mitinq keçirə bilərsən.  Niyə məhz "28 May" metrosu ərazisində… Mən bunu başa düşə bilmirəm”, - deyə T.Kərimli bildirib.
Deputatın fikrincə, onların bu hərəkəti onu deməyə əsas verir ki, artıq ölkə başçısı onların əllərində olan kartları aldığından çox cırnayır: “Arqumentləri əllərindən çıxdıqlarını gördüklərindən cığallığa əl atılar. Ölkə başçısı sosial sahədə ciddi islahatlar həyata keçirib əməkhaqqıları, pensiyaları, bütün növ sosial müavinətləri artırıb,  mənzil və digər cəmiyyəti narahat edən sosial problemlərini həll edib. Milli Məclisdə sosial sahədə qaldırlan məsələlərin əksəriyyəti həllini tapıb. Qarabağla  bağlı diplomatik uğur qazanılıb.  Qoşulmama Hərkatına daxil olan və digər ölkələr Ermənistanı işağlçılıq siyasətini pisləyir. Bu sahədə uğurlar var. Sturkut və kadr islahatlarına başlanılıb və sair… Bunu gördüklərindən istənilən vasitə ilə ölkədə çaxnaşma salıb, qarşıdurma yaratmaqla sabitliyi pozmaqdır. Onların bu fəliyyəti bir daha onu sübut edir ki, bu qüvvələrə ölkə daxilində, ölkədən xaric  Azərbaycanı sevməyən, düşmən münasibət bəsləyən qüvvələrlə və erməni lobbisi ilə həyata keçirmək istəyirlər”.

 Bir zamanlar müxalif düşərgədə olduğunu xatırladan T.Kərimli deyib ki, biz də müxalifətdə olmuşuq: “Onda bir ideologiya, mənəviyyət var id. Bu gün   nə ideologiyası, nə də mənəviyyat var. Necə gəldi istifadə edirlər. Həqiqətən mən başa düşə bilmirəm ki,  bunlar nə istəyir.

 Guya uşaq pulunun verilməsini tələb edirlər. Məgər uşaq pulunun verilməsi məsləsi qanunsuz yerdə aksiya  keçirməklə həllini tapır. Görünür kimsə bunlara hansısa tapşırıq verib,  kimsə qarana ayırıb… Bunu mənimsəmək üçün özlərini göstərirlər.

Bilirsiniz  Həzrəti Əlinin Həvariclərlə bağlı bir fikri var. Ondan soruşurlar ki, Həvariclər  məgər düz demir? H.Əli cavab verir ki, onlar da düz deyir, ancaq  hədəfləri düz deyil. İndi müxalifət düz sözlərdən istifadə etsə də, hədəfi düzgün deyil. Onların niyyəti qarşıqlıq yaradıb, suyu bulandırmaqdır. Onlar anlamır ki, qarışıqlı yarnması ölkədə xaosa gətirib çıxara bilər? Necə ki, biz bu gün ərəb ölkələrində buna şahidlik edirik. Görün  o cür inkişaf edən, sabitliyin hökm sürdüyü Liviyada insanlar hansı vəziyyətə yaşayır. Suriyaya, İraqa, Yəmənə, Misirə baxmaq yetər. Bunlardan nəticə çıxarmaq laızmdır. Məgər biz görmürük ki, demokratiya, insan haqları adı altında müsəlman ölkələrini hansı vəziyyətə salırlar. Axı dağıdıcı inqilablar heç bir ölkəyə xoşbəxtlik gətirməyib.

Burada daha bir məqam ondan ibarətdir ki, bu gün müxalifətin ölkəni idarə emtək üçün nə yetərli  kadr potensilaı, nə yetərincə gücü, nə də hamı tərəfindən qəbul edilən lideri var. Əksinə tam zəif olan müxalifət hər zaman olduğu kimi bu gündə bir-birini qırır. AXCP Müsavatla  mitinq üstünü bir birini qırır. 

Bir faktı da deyim, elə bu həmin Əli Kərimlidir ki, 2003-cü ildə hamı   İsa Qəmbər prezidenliyə namizədliyni dəstəkləyəndə, o gedib AMİP lideri Etibar Məmmədovu dəstəkləməklə, müxalifətin birliyini pozdu.Bunlar yaddan çıxmır. İndi isə başlayıb başqalarını xain çıxarmağa. Məgər özünün  hakimiyyətlə gizli danışığa gedib 10 parlamnetdə  oturmasından niyə danışmır? Elə əsl satqın, xəyanətkar özləridir. İstəyirsiniz belə şeyləri yaddan çıxaraq”.

T.Kərimli deyib ki, mən hər hansı qüvvənin aksiya keçriməsinin əleyhinə deyiləm, sabitliyin pozulmasıdan narahar: “Çünki Azərbaycanı sevməyən  üçüncü  bir tərəf bundan istifadə edib, ölkədə qarşıdurma yaratmaq istəyir. Niyə bu adamlar  başa düşmürlər ki, prosesdə onlar maşadırlar, onlardan istifadə edirlər”.

 Deputat onu da bildirib ki, əksinə iz indiki mərhələdə ölkə başçısının başlatdığı islahatlara prosesinə dəstək verib, ölkədə kölgə iqtisadiyyatının, korrupsiyanın, rüşvətxorluğun, monopoliyanın, sahibkarlığa yersiz manelərin aradan qalxmasına çalışaq: “Biz ölkə əhalisinin daha yaxşı yaşaması üçün balatdığı prosesi dsətkləməliyik. Qarabağ məsələsində əldə edilən diplomatik uğurların real həyatda tətbiqnə çalışmalıyıq. Amma yenə balayıblar cığallığa. Bunlar Azərbaycan xalqının xüyrinə olmayan hadisələrdir.Dünyanın bütün ölkələrində narazı təbəqə olduğu kimi  bizdə də var.  O narazılardan istifadə edib  aləmi qaraşdırmaq olmaz”.

T.Kərimli ondan narahatlığını ifadə edib ki, bu gün vəzifədən gedən məmur ya gizli, ya da açıq formada  narazılığını dilə gətirir və dağıdıcı müxalifətə dolayısı yolla dəstək verir: “Onlar hər vasitə ilə ölkə başçısının həyata keçirdiyi islahatları sabotaj edib, mane olsun. Bu yolverilməz haldır. Onlar ölkə başçısının başlatdığı islahatlara kölgə salmaq istəyirlər.
Odur ki, hər bir vətəndaş proseslərə obyektiv yanaşmalıdır. Yaxşını yaxşı, pisi pis kimi görməyi bacarmalıdır.  Görülən müsbətləri qeyd etməli, səhvləri deməlidir. Daha dağdıcılıq etməməlidir. Sivil yolla mübarizəsini dvam etdirməlidir. Amma biz bunun şahidi olmuruq. Ölkə başçısı tərəfindən  xalqın, dövlətin, millıtin xeyrinə o qədər işlər görülüb, onları demirlər. Niyə? Çünki naşükürdürlər. Bu naşükürlük haradandır belə bilmirəm. Yaxşıya  yaxşı deməyi bacarmalıyıq da…

Mən də müxalifətçi olmuşam. Mən bir anda istefa  verməyə hazıram. Heç bir var-dövlətində  arzusunda olan deyiləm. Mən obyektivliyi görürəm və onu da deyirəm”.
 
T.Kərimli son olaraq onud adeyib ki, bu gün bizim tanıdğımız və bir zamanlar iştirak etdiyimiz Xalq Hərəkatında bir dənə  də görkəmli adam qalmayıb: “Orada keçmiş vəzifədə olanlardır. Bir vətəndaş kimi bu qüvvələrə demək istərdim ki, nə qədər gec deyil, bu yoldan  və sabitliyi pozmaqdan geri çəkilin”. 

Mürtəza
Ölkə.Az