Buludlar arasında restoran

Hər kəs restoranlarda olub və onların bir çoxu bir-birilərinə çox bənzəyirlər. Amma...

Ölkə.Az olaraq sizə haqqında danışacağımız və göstərəcəyimiz bu restoran gördüyünüz bütün restoranlardan tamamilə  fərqlidir. "Dinner in the sky" müştərilərə səmada istirahət etməyi təklif edir. 

Restoranın qonaqları ayaqları altında taxta döşəməni yox, çox-çox uzaqdan görünən yeri görəcəklər. Bu restoranda təkcə yeyib-içmək yox, həm də kütləvi tədbirlər keçirilir. Onların arasında müxtəlif təqdimatlar, konfranslar yer alır. Müştərilərin xidmətində bir neçə ofisiant, aşbaz, hətta DJ də fəaliyyət göstərir.

Əgər siz konsertə baxmaq istəyirsinizsə əlavə ödənişin müqabilində qonşuluqda daha bir meydança havaya qaldırılır və siz rahat ifaçını izləyə və zövq ala bilərsiniz.

İnanılmazdır, ancaq bütün bunlardan başqa qonaqlar səmada hətta qolf və digər oyunları da oynaya bilərlər. Restoran sahibləri qeyd edir ki, hər dəfə meydançaları qaldırmazdan öncə onlar dəfələrlə texniklər tərəfindən yoxlanılır. 

Gəlin bu möcüzəli restoranın bir-sıra görüntülərinə nəzər salaq.

Rəşid Mustafazadə

Ölkə.Az